GABRIELLA’S P.O.V.
TUWANG-TUWA KAMI SA mga pinaradang lechon sa bayan, talagang ginastusan at pinaganda nila ang mga lechon na sinali sa parada. May iba’t ibang banda rin na tumutugtog at sumasayaw.
“Ang saya pala ng piyesta rito sa inyo,” masaya kong sabi sa kanila.
“Oo, masaya talaga rito. Ito nga ang lagi namin inaabangan kapag fiesta, e,” tugon ni Christian na natatawa kay Junior na sumasali sa mga banda na sumasayaw.
Magsasalita pa sana ako nang may maramdaman ako sa katawan ko.
“Ah Chris, saan ba pwedeng magbanyo rito?” tanong ko kay Christian na busy sa kapapanood sa mga sumasayaw. Lumingon siya sa akin at itinuro kung saan pwedeng magbanyo.
“Gusto mo bang samahan na kita?” pag-aalok nito na kinailing ko.
“Naku, ’wag na. Kaya ko pa naman,” natatawa kong sabi. “Sige, punta m
