“Salamat at pinagbigyan mo ako,” nakangiting sabi ni Enzo kay Talitha matapos ibigay ang order nilang pagkain sa waiter. Narito sila ngayon sa loob ng nag-iisang mamahaling restaurant sa buong Marbella.
“Makulit ka kasi sa pag-iimbita kung kaya pinagbigyan kita,” sarkastiko niyang tugon. “Pero ngayon lang ito at hindi na dapat maulit pa.”
Of course, hindi totoo sa isip niya ang huling sinabi niya. Kanina pa niya ninanakawan ng sulyap ang guwapong lalaki at labis siyang humanga sa karisma nitong taglay. Idagdag pa ang pagka-gentleman nito kanina habang nasa loob sila nang magara nitong sasakyan hanggang makababa sila. At mas lalo pa siyang kinilig nang i-upgrade nito ang mga order niya, palatandaan na gusto siya nito, sang-ayon sa isang article na nabasa niya.
“Que? Bakit naman?” tila
