“Mag-usap tayo. Tumawag ka sa ’kin.” Text ko kay Christan matapos kong gawin ang skincare routine ko kinagabihan.
Mamayang ika-sampu pa ng gabi pupunta si Karl dito sa kwarto ko kaya kailangan kong makausap kaagad si Christan. Lumipas ang ilang minuto ay tumunog ang cellphone ko.
“Huhulaan ko, nakita mo din ang pictures ’no?” Tila nagmamalaking bungad niya sa akin.
“Oo. At galit na galit si Karl. Alam ba ni Diana ang ginawa mo? O, nilasing mo siya para lang magawa ang plano mo?” may pagdududa sa tinig na tanong ko sa kaniya.
“Wow! May gana pa talaga siyang magalit sa lagay na ’yan? Eh kung tutuusin mas nauna siyang magpakasasa sa katawan ng ibang babae bago ko mahawakan ang asawa niya,” patuyang tugon niya.
Inalmahan ko ang kaniyang sinabi. “Magdahan-dahan ka sa pananalita mo! Pa
