“Belle, may gagawin ka na ba?” tanong sa akin ni Nanay Karina pagpasok ko sa kusina.
“Wala pa naman po, Nanay. May ipag-uutos po ba kayo?”
“Tamang-tama, makikisuyo muna ako. Pakidala ako nitong meryenda para sa bisita ni Karl, nasa library sila. Hindi pa kasi ako tapos magluto ng meryenda natin.”
Inilapit niya ang tray sa akin matapos timplahin ang juice sa babasaging pitsel.
“Sige po, Nanay ako na po ang bahala dito.” Ngumiti ako sa kaniya bago ko kinuha ang tray na naglalaman ng dalawang platito na may cake, isang pitsel ng juice at dalawang baso.
Maingat kong dinala ang tray papunta sa library. Ipinatong ko muna ang tray sa mataas na lamesa na nasa gilid ng pinto. Kumatok ako at hinintay na sumagot ang nasa loob bago pumasok.
Isang lalaking nakaputing polo shirt at maong na
