CHAPTER 51 (Part 2)
Kabado si Oliver habang nakatingin sa salamin at inaayos niya ang kanyang sarili, hindi niya alam kung tama pa ba ang desisyon niya sa buhay. Hindi na rin niya alam kung paano niya sasabihin kay Elisa ang lahat ng bagay na tumatakbo sa isip niya. Hindi niya alam kung paano magiging salita ang lahat ng nasa isip niya. Kung paano niya sasabihin ng hindi gaanong nasasaktan si Elisa. Alam niyang masasaktan ito pero ang gusto lang niya ay hindi gaanong masaktan si Elisa dahil kahit na pagbaligtarin man ang mundo ay minahal na niya ito bilang kaibigan at parang isang kapatid.
Wala naman talaga siyang balak pumasok sa isang relasyon, ang kaso nga lang ay hindi niya rin matanggihan ang dalaga dahil na rin siguro sa kanyang pinsan na talaga naman pinipilit siya noon, ang ina
