"Nahihibang ka na ba?" natawa siya nang malakas sa aking sinabi. "Ba't naman ako babalik sa 'yo? Kahit na hindi ako ikakasal, hindi pa rin ako babalik sa 'yo."
Parang paulit-ulit na sinaksak ang puso ko ng matalim na kutsilyo. Ang mga salita niya ay nanunuot sa buong pagkatao ko. Pinilit kong ngumiti, nilunok ang sakit na dala ng mga salita niya.
"Hindi ko naman ipipilit ang sarili ko sa 'yo," nag-iwas ako ng tingin sa kanya. "Alam ko naman na matagal na akong walang pag-asa. Pero ayos lang, ang tanging gusto ko lang naman ay maging masaya ka."
'Yun lang naman talaga ang hiling ko para sa kanya, ang maging masaya siya. Ayos lang kung hindi ako parte ng saya niya. Ayos lang sa akin na hindi na niya kayang suklian ang nararamdaman ko. Sapat na sa akin na mahal ko siya kahit may iba na siy
