DAHIL napagtanto ni Mabel na kailangan na talaga niyang matutong magluto, maaga siyang nagising kinabukasan at nakialam sa kusina. Ipagluluto niya ang sarili ng almusal. Hindi naman niya planong magluto ng complicated dish kaagad. Ipagpiprito lang niya ang sarili ng itlog.
Inilabas ni Mabel ang anim na itlog at butter sa ref. Humarap siya sa kalan at humugot ng malalim na hininga. Umusal siya ng maikling panalangin bago nagsimula. Bago siya natulog kagabi ay nagpaturo na siya sa isang kawaksi kung paano buksan ang kalan. Nagpa-demo rin siya kung paano gumawa ng sunny-side up. Ngayon niya malalaman kung gaano siya kabilis matutong magprito ng ilog.
Nakuha ni Mabel sa pangalawang subok ang perfect sunny-side up. She was so proud of herself. Dahil naaliw, gumawa siya ng isang dosenang sunny
