INIHATID si Mabel ni Kellan gamit ang motorsiklo ng binata. Nag-alangan siyang sumakay noong una. Natakot sa motorsiklo nito. Hindi pa siya nakakasakay sa kahit na anong uri ng motorsiklo. Iginiit niyang ite-text na lang niya ang isa sa mga driver ng mansiyon ngunit sinabi nitong nagsasayang lang siya ng oras, panahon, at gasolina.
“Trust me. I’ll take good care of you.”
Parang bula na naglaho ang lahat ng takot at agam-agam ni Mabel. Kaagad siyang nagtiwala kay Kellan. Naging maingat naman ang lalaki sa pagmamaneho. Hindi siya nito binigyan ng dahilang matakot. Paano siya matatakot kung binigyan siya ng pagkakataong maiyakap ang mga braso sa baywang ng binata? Hindi ganoon kabilis ang pagpapatakbo nito ngunit kumapit pa rin siya nang mahigpit, just in case.
Bahagya pa nga siyang nadism
