MABEL survived her first week of work. Hindi nga niya gaanong mapaniwalaan na hindi siya gaanong nahirapan. Ang nakaraang linggo na yata ang pinaka-productive na linggo sa buong buhay niya. Noon lang siya nakaramdam ng immense satisfaction. She had been so proud of herself, too.
Nakatulong marahil nang malaki na gusto niya ang ginagawa, friendly ang mga kasamahan, at napakaraming kailangang matutunan. Napakaraming bagay ang nakapukaw sa kanyang interes.
Nalaman ni Mabel mula kay Aling Rosa na may wooden weaving loom sa mansiyon na dating pag-aari ni Lola Celestina. Kaagad siyang humingi ng permiso kay Ate Yumi upang magamit iyon. Plano niyang magpaturo ng mahabang proseso ng paghahabi sa isa sa matatandang weaver. Kinausap na niya ang may-ari ukol doon at pinayagan naman siya. Natuwa pa
