KINABUKASAN ay maagang nagtungo sa kusina si Mabel. Dala-dala niya ang cell phone kung saan naroon ang naka-save na recipe ng adobo. Hindi niya alam kung bakit nagpupumilit pa siya, alam naman niyang magiging disaster iyon. Nasubukan na niya dating makialam sa kusina at hindi iyon kaaya-ayang alaala.
Bakit hindi na lang niya tawagan o i-text si Kellan gamit ang cell phone upang sabihing hindi siya makakapagdala ng adobo?
She refused to give up just yet. Nais muna niyang masiguro na wala na siyang magagawa pa bago siya ganap na sumuko. She felt like this was too important to just give up.
Kaya humugot siya ng hininga at pinilit na maging kalmado at positibo. Paulit-ulit niyang sinabi sa sarili na kaya niya. Baka sakaling magawa rin niyang paniwalaan iyon.
Pagpasok ni Mabel sa kusina, ka
