PAGPASOK ni Mabel sa silid ng kanyang ina ay natagpuan niya itong tahimik na nagbabasa habang nakaupo sa kama. Nag-angat ito ng ulo nang maramdaman ang pagbukas ng pinto. Kaagad napangiti ang kanyang ina pagkakita sa kanya. Itinabi nito ang librong binabasa at inudyukan siyang lumapit.
Kaagad naman siyang tumalima. Pagkaupong-pagkaupo ay kaagad siyang yumakap sa ina.
“Okay ka lang?” masuyo nitong tanong.
“Nanliligaw si Kellan, Mommy,” ani Mabel habang isinasandal ang sarili sa headboard.
“Alam ko. Nagpaalam siya sa akin at sa mga kapatid mo.”
“Talaga po?”
“Sa palagay mo ba, basta na lang bumigay ang mga kapatid mo dahil sa mamahaling bagay na ibinigay ni Kellan sa kanila? Of course not. Kinausap kami ni Kellan nang masinsinan. He told us everything. He told me he was married when he
