PAGKAMULAT pa lamang sa mga mata ni Sakura, ang nakangiting mukha agad ni Sebas ang kaniyang nakita. Mataman itong nakatitig sa kaniya at masuyong hinahaplos ang kaniyang pisngi. Gadangkal na lamang din ang layo ng mukha nila sa isa’t isa kaya ramdam niya ang pagtama ng mainit nitong hininga sa kaniyang mukha.
“Good morning, my lovely wife!” bulong na bati sa kaniya ni Sebas.
Hindi naman agad siya nakasagot. Inalala muna niya saglit kung bakit nasa tabi niya ngayon ang kaniyang asawa? Pero nang maalala niyang nagpaalam ito sa kaniya kagabi na tatabi ito sa pagtulog niya ay tipid siyang ngumiti rito.
“Morning!” namamaos pa ang kaniyang boses na binati niya rin ito.
Mas lalong lumapad ang ngiti sa mga labi ni Sebas at walang paalam na dumukwang ito sa kaniya at hinagkan ang kaniyang mga
