BAHAGYANG napakislot si Sakura nang mula sa likuran niya ay biglang pumulupot sa baywang niya ang matitigas na mga braso ng kaniyang asawa kasabay niyon ang paggawad ng masuyong halik sa kaniyang pisngi, leeg at balikat.
“Good morning, wife!” malambing na bulong ni Sebas sa tapat ng kaniyang tainga at pagkuwa’y ipinatong sa balikat niya ang baba nito at mas lalo pang humigpit ang pagkakayapos nito sa kaniyang baywang.
“Nanggugugulat ka naman, Ai!” sa halip ay saad niya.
Mahinang tumawa si Sebas, “I’m sorry, baby!” anito.
“Are you hungry already?” tanong niya.
Pagkagising niya kanina ay kaagad siyang bumaba sa kusina upang magluto ng kanilang almusal. Mahimbing pa namang natutulog kanina ang kaniyang asawa kaya iniwanan niya na ito sa kanilang kwarto.
“Not yet,” wika nito at ang mga
