TAHIMIK na umiiyak si Sakura habang nakaupo siya sa sofa na nasa sulok ng private room na inuokupa nilang mag-asawa. Ilang minuto na simula nang tanungin siya ni Sebas kung sino siya, pero ang kirot sa puso niya ay hindi pa rin nawawala. Labis pa rin siyang nasasaktan ngayon. God! Hindi siya maalala ng kaniyang asawa? Bakit naman? Bakit ngayon pa? Nagising na nga ito pero nakalimutan naman siya. Ayon kay Caspian kanina, ito nga ang isa sa mga iniisip nito na maaaring maranasan ni Sebas kapag nagising na ito. Ang mawalan ito ng alaala dahil sa aksidenteng nangyari dito.
Oh, God! Hindi niya matanggap. Ang buong akala niya kanina ay magsasaya na siya nang tuluyan dahil sa wakas ay gising na si Sebas; gising na ang kaniyang asawa. Pero ito pala ang mangyayari ngayon.
Sunod-sunod na pagsingho
