“JOY!”
Kaagad na tumayo sa puwesto nito ang dalaga at naglakad palapit kay Sebas.
“Yes po, Sir Sebas?”
“Where is your Ma’am Sakura?” tanong niya nang makita niyang wala sa puwesto nito ang kaniyang asawa. Katatapos lamang ng naging meeting niya kasama ang mga pinsan kaya kalalabas niya lamang sa conference room.
Saglit namang lumingon si Joy sa kinaroroonan ng puwesto ni Sakura, “ay, hindi ko po alam, sir! Pero kanina po nandiyan lang si Ma’am Sakura,” sagot nito.
Bahagya siyang bumuntong-hininga ’tsaka iniangat ang kaliwang braso niya upang silipin doon ang oras.
“Nakabalik na ba siya galing sa lunch break niya?” tanong niya ulit.
“Opo, sir! Kausap ko nga po siya kanina, e! Tapos nagtanong din po siya sa akin kanina nang dumating siya kung tapos na raw po ang meeting ninyo sa con
