Kabanata 46
A L E X A
“Wala ka talagang balak na ipakilala kami?” ani Amy.
Umirap ako at sumimsim sa alak na nasa lamesa namin. Mula sa malayong lamesa ay natatanaw namin si Liam na seryoso at mag-isang umiinom. Hindi ko alam kung paano siya napunta dito. Halos gabi-gabi na lang ay nasa bar siya ng Hera tapos ngayon ay nandito naman siya.
Noon kahit lagi siyang nasa bar na pinagtrabahuhan ko hindi ko naman siya madalas makitang umiinom, ni hindi pa siya sanay uminom noon pero ngayon parang puro alak na ang nanalantay sa sistema niya. Lagi ko siyang nakikitang umiinom kapag may pasok ako sa bar tapos ngayon na wala akong pasok ay makikita ko pa din siyang umiinom. Napailing ako. Anong nangyari sa taong ito?
“Oh, come on! Ang damot mo naman!” si Lily nang makita ang pag-irap ko kay Amy.
