Isang taon ang lumipas, hanggang ngayon umaasa pa rin si Hazelle na babalik si Gabriel. Wala siyang naging contact kay Gabriel simula nang umalis ito. Ang tanging nakakausap niya lang ay si manang Fe. Palagi siyang nagtatanong kung nakauwi na ba si Gabriel.
"Ang guwapo naman talaga ng baby naman! Kamukhang kamukha talaga ni Gabriel si Gideon. Mula sa kilay, mata, ilong, at labi. Parang pinagbiyak na bunga ang dalawa! Wala man lang nakuha sa iyo!" bulalas ni Maritez habang nakikipaglaro sa apo.
"Ganoon talaga. Malakas ang dugo ni Gabriel eh," tugon ni Hazelle sa ina.
Bumuntong hininga si Maritez at saka lumapit kay Hazelle. "Ayos ka lang ba, anak? Isang taon na simula nang umalis si Gabriel ng bansa. Umaasa ka pa rin bang babalik siya? Paano kung umuwi siyang may pamilya na? Paano kung n
