"Talaga po?" bulalas ni Hazelle nang tawagan siya ni manang Fe para ipaalam na naroon na si Gabriel.
Nagkatingnan silang mag-ina bago ibinaba ni Hazelle ang tawag. Nanghuhuli ang kanyang puso. Hindi niya alam kung paano sisimulan ang lahat kapag nakaharap na niya si Gabriel.
"Anong oras na ba? Puntahan mo na si Gabriel ngayon. Isama mo ang anak mo para makita niya," wika ni Maritez.
"Sige po, mama. Magbibihis lang po ako."
"Okay sige. Ako na ang bahalang magbihis dito kay Gideon," wika ng kanyang ina.
Mabilis ang kilos ni Hazelle. At habang nag-aayos siya ng kanyang sarili, matinding kaba ang bumabalot sa kanya ngayon. Nanginginig pa nga ang kamay niya habang naglalagay ng lipstick sa kanyang labi.
'Hindi ko alam kung paano ko sisimulang sabihin ang lahat kay Gabriel kapag nagkita na
