Nakatingin si Hazelle sa masayang pamilya na nagtatawanan. Buhat-buhat ng asawang lalaki ang kanilang anak habang ang asawang babae naman ay nilalaro ang kanilang anak. Hindi maiwasang makaramdam ng inggit ni Hazelle sa kanilang kapitbahay. Masayang-masaya ang pamilyang iyon.
"Anak, ayos ka lang ba?" tanong ng kanyang inang si Marites.
Mabagal na umiling si Hazelle. "Hindi po ako okay, mama. Aminado po ako sa sarili ko na nasasaktan po ako sa mga nangyayari sa amin ni Gabriel ngayon. Miss na miss ko na po siya pero hindi ko po alam kung paano aayusin ang pamilya namin."
"Alam kong nahihirapan ka na sa mga nangyayari pero puwede pa namang maayos iyan, anak. Makipag-ayos ka lang sa kanya. Pilitin mo ang sarili mo na kausapin siya. Pero dapat iyong may limitasyon pa rin lalo pa't hindi pa
