INIHATID NGA AKO ni Daddy sa bus station. Hindi pa rin ako nakakaisip ng paraan para sabihin na hindi ako talaga sasamahan ni Daniel sa Baguio. Nag-aalala ako na baka hindi niya ako paalisin kapag nalaman niya ang totoo. Iniisip ko kung ano ang sasabihin ko kay Daddy nang sabihin niyang magtatanong siya sa dispatcher kung anong oras ang alis ng bus. Sinabi kong nai-check ko na sa Internet ang schedule pero wala raw siyang tiwala sa Internet. Hinayaan ko na lang siya dahil kailangan ko rin talagang mag-isip ng paraan.
Hindi naman nagtagal si Daddy. “Nakita ko na si Daniel. Nakabili na siya ng ticket para sa inyo. Kinsi minuto na lang ay aalis na ang bus n’yo. Halika ka na.”
Hindi ko na narinig ang iba pang sinasabi ni Daddy dahil nakatingin lang ako kay Daniel. Talaga bang naroon siya o n
