Chapter XXXXXXXXXI
Jessica Marie Padilla's POV
Pagkalabas namin ng sasakyan ay nilibot ko kaagad ang paningin ko. Nakakamangha ang beach na napuntahan namin. Puting-puti ang buhangin, may nakatayong bahay kubo style na gawa sa batong bahay. May iilang puno ng buko at malawak na dagad. Hinawi ko ang buhok kong tinatangay ng malamig at malakas na hangin. Kahit mainit ang sikat ng araw ay hindi ko iyon maramdaman dahil sa preskong hangin na dumadampi sa balat ko.
Lumabas na rin ng sasakyan sina Kendall. Kahit ang maigsing buhok ni Kuya ay nagugulo dahil sa hangin nang balingan ko siya.
"Ang ganda! Akala ko sa resort tayo?" sabi ko habang nanliliit ang mga mata ko dahil sa sinag ng araw at sa takot na rin na mapuwing ako.
"Akala ko rin," sagot ni Kuya Luke sabay baling kay Kendall na naka
