Hindi ko inaasahan na makatutulog ako sa gusaling ito at malamang sa malamang ay nag-aalala na ang aking mga magulang sa biglaang hindi ko pag-uwi.
Dahan-dahan kong iminulat ang aking mga mata at nang tuluyan ko nang nasilayan ang paligid ko ay tumayo ako nang sa gayon ay makapagpaliwanag na ako sa aking ina at ama.
Pagkatayo ko ay may nalaglag na isang kuwintas na hindi ko inaasahang makikita kong muli. Ano'ng ginagawa ng kuwintas ni Cassiel dito? Hindi kaya, nandito siya buong gabi at pinagmasdan niya lang akong matulog?
Agad-agad kong kinuha ang kuwintas at binuksan iyon. May nakita akong nga numero na patuloy pa rin sa pagbilang at may nakaagaw ng aking pansin.
"1-50-0-5-3-YOU." Napakunot ang aking noo marahil ay hindi ko alam kung ano ang ibig sabihin ng mga numero na iyon. Tan
