"Cassian! Gumising ka riyan!" Naalimpungatan ako nang may nag-alog sa akin at nagulat ako nang masilayan ko ang mukha niya.
"Ano ang ginagawa mo rito?" tanong ko kay Camiell na nasa harapan ko at kitang-kita ko sa kaniyang mukha ang labis na pag-aalala at takot.
"Si Cassiel! Si Cassiel pinuntahan niya si Satanas nang mag-isa. Hindi ko na alam ang gagawin Cassian! Ayaw kong mawala sa akin ang kapatid ko!" sunod-sunod na sigaw niya sa akin. Napatulala ako nang matagal bago ako malinawan sa kaniyang mga sinabi.
"Ano'ng sabi mo?" tanong kong muli dahil gulong-gulo na ako sa mga nangyayari. Hindi ko alam kung ano ang uunahin at kung ano pa ba ang totoo.
"Si Cassiel! Ano ka ba! Si Cassiel pinuntahan niya si Satanas sa mundo ng mga kaluluwang pinarurusahan!" Lumaki ang mga mata ko dahil s
