Benjo's POV
Lumipas ang magdamag na nagtatago lamang kami sa bahay. Mabuti na lamang at malawak ito, kung kaya't kumasya kami kahit papaano.
"Oh ito, purong kape 'yan, kakapitas ko lamang ngayon," ani Kia habang inaalok kami isa-isa ng gawa niyang kape.
"Salamat!" sabi ko rito at saka tinungga ang mainit na kape.
Humahagod sa lalamunan ang pait at init nito. Sanay na ako kung kaya't hindi ko nailuwa kagaya ng mga bago.
"Pwe! Bakit ang pait?!" reklamo nito at ibinaba ang tasa na hawak. Kung hindi ako nagkakamali ay Jas ang pangalan nito.
Isang matangkad na lalaki na may pagka-brusko ito.
Samantala, ang mga katabi niya ay halos masuka ang itsura.
Puwera lamang sa isa...
Sa isang babae na nakalayo sa kanila. Nasa may bandang sulok ito ng bahay at hindi nakikihalubulo sa amin.
"
