Benjo's POV
"Kiel, pare. Pagkain oh," alok ko sa taong nasa kuwadra.
Tiningnan lamang ako nito at saka tumayo mula sa mga dayami.
May ilan pang dumikit sa suot niya ngunit hindi niya iyon ininda.
"Salamat Benjo ha," aniya at nilantakan ang maliit kong baunan.
"Tubig oy," sabi ko rito at inabot ang inuminan ng mabulunan ito.
"Ehem! S-Salamat," pilit na salita nito sa pagitan ng pag-ubo.
Inubos niya muna ito bago ako hinarap.
"Pasensya na, naubos ko na naman ang baon mo," hinging paumanhin nito habang inaabot ang lagayan na kalahati pa ang laman.
Maliit lamang ang baunan ko, kung kaya't natitiyak kong ilang subo lamang ang nagawa niya.
"Hay nako, hindi na, ubusin mo na 'yan. Marami akong nakain kanina, tapos kakain ulit ako mamaya," tanggi ko at ibinigay ang lagayan sa kaniya.
Hi
