KABANATA 40 PART ONE
Smile
Merciless.
Hindi mawala-wala sa isip ko ang salitang ginamit ni Ashton para sa ama niya kanina. Iniisip ko kung sa paanong paraan naging ganoon si Don Miguel. Dahil tanda ko pa kung gaano naging mabait sa akin ang Don noon.
Pero siguro nga may hangganan ang kabaitan niya para magalit nang lubos sa akin sa puntong pinagbantaan niya ang buhay ko para lang hindi na ako balikan ni Ashton.
Sinulyapan ko si Ashton na mahimbing ang tulog sa sofa. Hindi niya na napalawig ang ibig niyang sabihin nang maistorbo kami nang pagdating ng nurse na nag-rounds para kay Ashriel. Makaraang matapos ang nurse sa ginawang pagtingin sa anak ko ay nakatulog na rin si Ashton, malamang sa labis na pagod kaya hindi ko na rin siya ginambala pa.
Kinuha ko ang hiniram kong first aid ki
