K A B A N A T A 39
Alana
MASYADONG magulo ang lahat at wala akong maunawaan sa nangyayari sa harap ko. Hindi rumerehistro sa isip ko ang pagmamakaawa ni Alana na patawarin ko siya at ang pag-uusap nila Ashton at Arvie.
“Tumigil ka nga sa pag-iyak! Huwag kang umarteng biktima rito! Dahil ikaw pala ang puno’t-dulo ng lahat nang nangyari sa amin noon! You’re a slut!” sigaw ni Maria kay Alana na humikbi na lang pero nanatili pa ring nakaluhod sa harap ko.
Doon ko napansin ang kamay niya at ang damit niyang may tila bakas ng mga dugo. Mariin akong pumikit at hinila sa braso si Alana na nagulat sa ginawa ko.
“Meredith…”
Tinapunan ko ng tingin si Ashton na nakitaan ko nang pagsisisi ang mga mata habang nakatitig sa akin. Hindi ko natagalan iyon kaya hinila ko si Alana palayo sa kanila hin
