NARRATOR’S P.O.V.
SA ISANG MALAYONG lugar na halos walang kabahay-bahay ay doon dinala ni Gab si Maqi. Kinaladkad niya ito papasok sa isang bahay na simple lang at puno ng bakal ang buong kabahayan.
“Gab, please, ’wag mong gawin sa akin ito. Kailangan ko nang umuwi,” pagmamakaawa ni Maqi kay Gab ngunit hindi siya nito pinansin o pinakinggan.
Pagkatapos makandado ni Gab ang pinto ay muli niyang hinatak si Maqi sa isang kwarto. Nilukuban ng kaba si Maqi dahil hindi niya alam ang tumatakbo sa isip ni Gab ngayon.
Nagpupumiglas siya ngunit binuhat siya nito at pabagsak siyang binaba sa kama nang marating nila ang kwarto. Inayos niya ang dulo ng dress niya na umangat mula sa pagkakahagis nito sa kanya.
Kinandado ni Gab ang pinto at lumapit sa side table kung saan nakalagay ang hinanda niya
