Kinabukasan, si Rodel kaagad ang hinanap ko pagkatapos ng dismissal sa school. Gusto ko siyang makita dahil magpapaalam ako. Kahit papaano ay naging magkaibigan din naman kami sa maikling panahon at hindi ko rin makakalimutan iyong ginawa niyang pagtulong sa akin noong nanakawan ako ng bag. Kahit din nagsimula kami na medyo nag-iinisang dalawa, at least ngayon ay magkaibigan na.
Kaso nga lang, mahigit labinlimang minuto na siguro akong palakad-lakad sa madalas na tinatambayan niyang park ay hindi ko pa rin siya naabutan. Sunod ko namang pinuntahan ay iyong daanan patungo sa sakayan ng jeep. Doon kasi kami madalas magkita tuwing hapon pero kahit doon ay hindi ko rin siya naabutan.
Kung hindi lang dumating si Manong Rene at tinawagan na ako ay hindi ko p
