“Hoy! Landi nito!” Bigla sumulpot si Milly at dinuro-dinuro sa akin ang kaniyang pang-agiw. “Kaya ka nasisita ni Madame Sofia e! May paiyak-iyak ka pa kanina tapos ngayon naman ay ikaw itong naghatid sa sasakyan. Ano ka, asawang hindi inuwian?”
“M-Milly! Ginulat mo naman ako…” Nakapahawak ako sa dibdib.
Tinaasan niya lang ako ng kilay. Halos ihampas niya sa akin iyong hawak niya kaya napanguso ako.
“Ano na naman ba ang pinagsasasabi mo?” tanong ko.
“Aba, aba, aba… Ikaw pa ang may ganang magtanong sa akin niyan? Naku ka, Clara. Kinakabahan ako sa’yo! Hindi ko alam kung nababaliw ka na ba o ano e.”
“Bakit?” Napakurap ako ng ilang beses.
Nang marinig iyon ay hinampas na talaga sa pwet ko iyong hawak niy
