Pagkatapos kong maibigay ang ipinakukuhang blankong cheke ni Madame Sofia ay tinantanan niya na rin ako. Nakapagtrabaho na rin ako nang maayos sa wakas na natapos na ang mga gawaing-bahay.
Siguro ay mga tatlong beses na niyang iniuutos sa akin iyon para sa linggong ito.
Ngunit habang nasa kwarto na at nagpapahinga, habang naghihintay ng gabi kung darating nga ba siya... Hindi ko rin napigilan ang sariling isipin at pagkone-konektahin ang aking mga impormasyong nakalap.
Dati ay nagdududa pa ako pero ngayon? Malakas na talaga ang kutob kong may kinukuhang pera si Madame Sofia na pinaglalaanan niya ng kung ano. Hindi pa naging sapat sa kaniya ang kinuhang pera sa scholarship ng mga Delgado. Pati na rin iyong nakita kong halaga na nakasulat sa
