Wala akong choice kung hindi ang pumasok na lamang sa eskuwela. At least doon ay may tao, may mga puno. May kapaligiran na gumagalaw at nag-iingat. Kahit pa ako ang tampok ng kanilang mga usapan ay mas gusto kong nasa labas ako ng isang komunidad kaysa sa nakakulong lamang sa mga haligi ng bahay ng mag-asawang Delgado.
Kapag umuwi ako at nanatili lamang sa bahay ay hindi ko alam ang pwede kong maisip. O... ang mga pwede kong magawa.
Lunod na lunod na nga ang aking utak sa aking biyahe pa lamang sa jeep. Ang tanging nakapagpaahon lamang sa akin mula roon ay ang umaatikabong init ng panahon at ang mga kamakailang busina. Kung wala ang mga ito, tiyak ay humahagulgol na ako sa sobrang sakit ng aking puso.
Pagdating sa school, pinilit kong maging matatag. Nakinig ako ng aking mga lesson at n
