Pagkatapos naming magkabati ni Archie ay naging maayos naman ang mga sumunod na araw. Kahit talagang busy siya ay ramdam kong sinusubukan niyang ibigay sa akin ang aking hinihinging oras. Sabay na ulit kaming kumakain sa umaga at kung sunduin niya ako sa hapon ay maaga pa kung minsan.
Minsan nga ay tinatanong ko rin ang sarili ko. E kaya naman pala ni Archie na bigyan ako ng oras at atensyon kung gugustuhin niya pero... bakit kailangan ko pang hingin iyon? Bakit kailangan ko pang igiit sa kaniya na pakiramdam ko ay nakakalimutan na niya ako?
Pero hindi ko na lamang pinagtuunan pa ito ng pansin. Sumaya naman na ako ulit at gumaan na ang pakiramdam. Nagpatuloy iyon ng mga dalawa hanggang tatlong araw. Hanggang sa isang hapon, late na naman niya akong nasundo.
“I bought you a new phone. Ka
