NAPILITAN na pumunta sa gitna si Bithia. Inabutan din siya ni Mary ng alak. Nag alangan siya at hindi natantiya ang amoy nito.
"Inumin mo, Bithia. 18 ka na, kaya legal ka na uminom ng alak!"
"Ano ba ito?"
"Beer lang 'yan," sagot ni Mary sa kanya.
Pinisil niya ang ilong niya para hindi maamoy ang amoy ng alak. Saka inisang lagok niya 'yon. Nang maubos ay ibinigay niya ang baso sa kaibigan.
"Ang sama ng lasa." Para kasing humagod sa lalamunan niya ang lasa ng alak. At parang hindi beer ang nasa baso.
"Ang galing mo nga. Straight! Ikuha pa kita."
Nanlaki ang mata niya sa narinig. Pipigilan niya sana si Mary pero nakalayo na ito at nasa bar counter.
Napapailing siya nang biglang humapit ang kamay ng lalaki sa kanyang beywang, kinabig siya palapit sa katawan nito. Napapikit siya nang ma
