"BITHIA, saan ka ba nagpupunta? Tatlong araw kang hindi umuwi sa bahay. Tawag nang tawag ang daddy mo. Hindi ko alam ang sasabihin ko sa kanya kung nasaan ka," sunod sunod na sabi ni Manay sa dalaga.
"Manay, sana sinabi n'yo na lang kay Daddy na patay na. Birthday ko hindi man lang niya naalala." May himig ng pagtatampo sa boses niya. Sa loob ng dalawang taon ay ngayon lang siya naalalang tawagan ng daddy niya. Ang akala nga niya ay wala na siyang ama.
Napa-tsk si Manay. "Kaya nga tumatawag kasi babatiin ka. Nag imbento na lang ako ng palusot. Ang sabi ko kasama mo si Mary. At nagse-celebrate ng birthday mo. Baka tumawag na naman 'yon."
"Sige po, Manay. Punta lang po muna ako sa kuwarto ko. Paki-tawag na lang po ako kapag muling tumawag si Daddy."
Tumango lang si Manay sa alaga. Umakya
