MATAPOS ang ilang araw na pananatili sa rest house ay iniuwi din siya ni Dylan mansyon nito. Nag-iba na rin ang pakikitungo nito sa kanya, lumambing na, palaging nakangiti at parang naging maalalahanin na kumpara sa dati. Pero kahit ganoon man ay hindi pa rin maiwasan ni Jeziel isipin ang kaibigan, kung kumusta na nga ba sina Alex at Tanya, kung nakaligtas ba ang mga ito o tuluyan nang hindi nakaahon sa ilalim ng dagat. Gustong-gusto na niyang itanong kay Dylan kung may balita na ba ito sa butler pero natakot naman siya na baka magalit na naman ito sa kanya, at kung sakaling mahanap ang dalawa ay baka hindi rin bubuhayin. Kaya naman mas pinili na lang niyang manahimik at hindi na lang itanong ang tungkol sa dalawa. Hindi naman siya puwedeng tumawag o pumunta kay Terron dahil siguradong mag
