Ilang oras lang si Maria na nanatili sa bahay ni Lyndel. Hindi siya mapakali kanina pa dahil iniwan niya si Kino sa condo nito nang mag-isa habang lasing at walang malay.
Mag a-alas singko na ng hapon at nag-aalala siya kung nagising na ba ito at hinahanap siya. Medyo gumaan na din ang pakiramdam niya kesa kanina kaya naisipan na niyang umuwi.
"Ako ang nahihilo diyan sa ginagawa mo, Cedes ah."
"Uuwi na siguro ako, Linda." napatingin siya sa kaibigan na nagsasalubong ang kilay na nakatingin sa kanya. Nakaupo ito sa malaking sofa habang pumapapak ng crackers.
Kanina pa silang magkasama at halos wala siyang nakukuhang matinong advice sa kaibigan dahil puro pagsugod kay Leslie amg naiisip nito. Minsan ay naiisip niyang anak ito ni Gabriella Silang sa sobrang palaban.
At mas gigil din
