Malalim na bumuntong-hininga si Maria nang nasa harap na siya ng Bar na pinagta-trabahuan. Kasama niya si Kara ngayong gabi dahil sabay silang papasok. Ito ang unang araw niya sa kanyang part time job kaya kahit napagod siya kanina sa school ay kailangan niyang maging maliksi.
"Maria! Halika na! Naghihintay na ang manager!" yakag nito sa kanya sabay hila sa kanyang braso.
"Kara masyado yatang maiksi ang damit ko." aniya pa sa babae.
Kung dati ay halos wala siyang pakialam na naghuhubad lang sa kung saan man sa gubat, ay hindi na iyon katulad ngayon. Mula nang napadpad siya ng Maynila ay isa sa narealized ni Maria na mahalaga ang suot ng isang babae na dapat ay naayon sa isang lugar. Base iyon sa naging obserbasyon niya sa mga nakakasalamuha. Kaya pala halos lumuwa ang mata ni Kino noo
