Matapos namin magkainan at maligo, pinadpad kami ng mga paa namin dito sa may dalampasigan. May bitbit na cooler sina Miko at Byron na may lamang yelo at beer sa loob, samantalang kaming mga babae ay may dala-dalang pagkain. Pasado alas syete na kaya medyo malamig na ang dampi ng hangin sa balat. Naggawa ng bonfire ang dalawang lalaki sa grupo bago namin pinalibutang anim.
"So, let's have a little game, people!" Napatingin ako kay Byron na pakiramdam ko hindi nauubusan ng energy. Palaging naka high level!
"Sure!" Mabilis na segunda ng katabi nitong si Jelai.
"Ano namang game yan?" Tanong ni Maia na siyang katabi ni Jelai. Tumingin siya sa akin at pasimpleng kumindat at ngumiti.
Napatuwid ako ng upo at tumingin kay Yuan. Nakataas ang kilay nito. Mabuti na lang at hindi nito napansin a
