His Poisonous Vows

••• Sa madilim na kalangitan, nagbabadya ang pagbuhos ng malakas na ulan ngunit para kay Thrain, isa lamang 'yon normal na tanawin habang binabaybay niya ang masikip na eskinita patungo sa hospital kung saan siya nagtatrabaho. Panibagong araw, panibagong yugto ng kanyang buhay na wala namang saysay ngunit isang hindi inaasahang tagpo ang kanyang namataan sa madilim na eskinita na kanyang tinatahak. A blood splattered all over the place as he wants to pass by but he can't move his feet as he saw how a person s***h everyone's throat without a blink of an eye so he steps backward before they saw him and wait for the right time to pass through. "Nagkamali ka ng binangga kaya sa impyerno ang huling hantungan mo." A woman's voice? Kunot noong sumilip si Thrain mula sa tambakan ng basura kung saan niya narinig ang boses na yun at natigilan siya nang makita ang isang babaeng mahaba at kulot ang buhok na abot sa itaas ng kanyang pwetan, nakasuot ng itim na leather suit at hapit yun sa katawan nito at kitang-kita ang hubog niyon na tila inukit ng eksperto. May kalayuan ang poste ng ilaw sa hospital ang lugar kung saan sila naroon ngunit kitang-kita ni Thrain kung paanong walang awang pinaslang ng babae ang tatlong lalaking nakapaligid sa kanya at ang isa ay namimilipit pa sa lupa. A wicked smile formed his lips. "Quite entertaining," aniya sa kanyang sarili at sumandal pa sa pader nang hindi alintana ang amoy ng basura habang nakatingin siya sa dalaga at tila isang action movie sa sine ang pinapanuod niya. "Pagbabayaran mo ang lahat ng ginawa mong pagtatraydor sa amin!" singhal ng lalaking namimilipit sa sakit habang nakalupagi ito sa lupa. "Sa ating dalawa, kayo ang traydor. Ginawa ko lang ang trabaho ko kaya kung ako sa'yo, kumustahin mo na lang ako sa diablong kauri mo." Bakas ang galit sa boses ng babae at hindi makita ni Thrain ang ekspresyon ng mukha nito dahil nakatalikod ito sa gawi niya at tanging ang hubog ng katawan nito ang siyang tumatak sa kanyang isipan. Biglang lumipad ang ulo ng lalaking kausap ng dalaga nang iamba niya sa leeg ang katana na hawak niya at wala pang dalawang segundo ay nangisay na ang katawan ng lalaki sa lupa. Para sa ibang tao, isang kahindik-hindik na senaryo ng pagpaslang ng tao ang siyang nasasaksihan ni Thrain, ngunit para sa kanya, tila isang kahanga-hanga ang ginawa ng dalaga. Siya namang pagbuhos ng malakas na ulan na naging dahilan upang sumama sa tubig ang dugo mula sa apat na lalaking wala ng buhay. Narinig pa ni Thrain ang pagwasiwas ng dalaga sa hawak nitong katana sa ere upang mawala ang dugo na bumalot doon ngunit bigla na lamang nawala sa kanyang paningin ang babae na tila parang bula na naglaho sa dilim. Umalis si Thrain mula sa pinagtataguan niya at saka siya lumapit sa apat na lalaki at hindi alintana ang buhos ng malakas na ulan. Tinapakan niya ang isa doon at kinilatis kung sino ang mga ito ngunit tanging pagkibit na lamang ng kanyang balikat ang ginawa dahil hindi naman niya kilala ang mga ito. "Such a deep, clean-slashing throat for a professional killer like her? No doubt, she's amazing." Sa muling paghakbang ng mga paa ni Thrain, isang ID ang kanyang nakita at nang kunin niya 'yon, isang mapanganib na ngisi ang gumuhit sa kanyang labi. "Zephyr Aethera Fortalejo, a dangerous and venomous presence roaming around the world. Let's see what you're capable of." Isinilid ni Thrain sa bulsa ng suot niyang jacket ang ID na kanyang napulot at saka siya tuloy-tuloy na naglakad hanggang sa marating ang hospital. A surgeon, that's his job. But behind the scalpel he holds, he's also a dangerous person you wouldn't expect. He didn't save lives because his true work is the opposite. Thrain Tadeus Darkhaven is the name, but hidden within him is a monster lying dormant in the depths of his awareness. At ang kamalayan na 'yon ay siyang unti-unting bumabangon habang nakatitig sa mukha ni Zephyr na nasa ID na siyang hawak ni Thrain habang nasa loob siya ng kanyang sariling kwarto sa loob ng hospital upang maghanda para sa isang operasyon. "From this day forward, you will be mine, Zephyr Aethera Fortalejo, whether you like it or not. You're mine alone. You will be my deadliest addiction and a poison inside my core." Mula sa tunog ng patak ng ulan, isang pangako ang binitawan sa likod ng aninong puno ng pagmamanipula, karahasan at pagtataksil. A poisonous vow indeed.