KUMUYOM ang mga kamao ni Catherine nang makita niya kung sino ang pumasok sa loob ng private room sa ospital kung saan siya dinala ni Brad pagkatapos ng nangyari sa party.
Si Travis.
At mukhang sumunod ito sa kanila dahil napansin niyang basang-basa pa din ito.
"Catherine..." wika ni Travis sa kanya.
Sa halip naman na pansinin ito ay iniwas niya ang tingin dito. Kinagat nga din niya ang ibabang labi ng maramdaman na naman niya ang pamamasa ng magkabilang mata dahil sa nagbabadyang luha.
Narinig naman ni Catherine ang malalim na pagbuntong-hininga ni Travis. At ang yabag nito palapit sa kanya.
Agad nga niyang ipinigsi ang kamay nito ng sumubok itong hawakan siya.
Ipinikit niya ang mga mata. At sa pagpikit ay isa-isang pumasok sa isip niya ang pinag-usapan nilang dalawa ni Liann
