NANGINGINIG ang kamay ni Catherine nang i-dial niya ang numero ni Mae pagkatapos niyang makausap ang Mama niya para ibalita ang nangyari sa Papa niya. Naka-tatlong ring bago naman nito sinagot ang tawag niya.
"Hello, Ma'am Catherine?" wika ni Mae nang sagutin nito ang tawag niya.
"M-mae, pasensiya na. Pero pwede mo bang putulin ang bakasyon mo?" wika niya sa dahilan kung bakit niya ito tinawagan. "K-kailangan ko kasing lumuwas ng Manila dahil nagkaroon ng emergency sa amin."
At nang maalala na naman ni Catherine ang nangyari sa kanyang ama ay nanikip na naman ang dibdib niya. Naramdaman muli niya ang pamamasa ng kanyang mga mata. Kinagat naman niya ang ibabang labi para pigilan ang luhang gustong pumatak sa mga maya niya ng sandaling iyon. Pero kahit na anong gawing pagpipigil ay hin
