FARRAH'S P.O.V
____
Tuluyan na akong gumaling, at marami ang nagugulat sa biglaan kong pagbabago. Lalo na’t nagiging aktibo na ako sa mga activities at nakikipagsabayan sa top one namin sa classroom tuwing recitation. Tila nagugustuhan naman ito ng mga professor namin, akala yata nila ay nakikipaglokohan lang ako dati.
“Balita ko nag-aaral ka na nang mabuti, that’s good. Para naman hindi masayang ang perang binigay ko sa’yo.” Malamig na sabi ni Freddy. Inikutan ko lang siya ng mata. Ano namang pakialam ko sa ibinigay niyang pera? Obligasyon niyang bigyan ako.
“Basta susunod ka sa usapan natin, walang problema. Marunong akong tumupad. Pag nalaman kong may ginawa kang hindi ko nagustuhan, asahan mong babalik ako sa dati, mas malala pa.” Nakangisi kong sagot sa kanya bago humigop ng kape
