Brian POV
Gusto kong pilipitin si Pamela sa kabulastugang ginawa nito. Bakit ba kasi lubusan akong nagtiwala sa kanya lalo na sila Alfred na nakipagpustahan pa sa mga kaibigan nilang doctor sa gabing iyon.
Ang lahat ay isang hamon para kay Pamela na tinanggap rin ito.
Inaamin ko marami akong nainom sa mga panahong iyon pero alam ko ang lahat nangyayari. Lalo na nang ihatid nila ako sa condo at iniwan doon si Pamela.
Hindi ko rin masisisi si Pamela dahil minahal niya ako ng sobra. Alam kung nagkakamali din ako at pinaasa siya sa walang kasiguraduhang bagay. Simula’t sapol alam na niya kung sino ang talagang mahal ko pero pilit pa ring umaasa na kahit kunting panahon mabigyan ko rin siya ng pagkakataon.
Halos paliparin ko ang aking sasakyan sa natanggap na messages ni Tita Magdalene.
