Sinalubong kami ng maraming kasamahan sa organisasyon. Sabay-sabay nagsipag-yuko ang kanilang mga ulo nang dumaan kami sa bawat pwesto ng mga tauhan na nakabantay sa iba't-ibang parte ng kuta. Hindi ko inaasahan o ni maski sumagi sa isip ko na mapagtatagumpayan namin ang misyon na isinagawa. Lutang pa rin akong naglalakad lamang sa pasilyo. Walang imik at puno ang aking isipan sa mga bagay na hindi normal sa akin. Nandirito pa rin sa aking sistema ang kagustuhan na malaman kung sino talaga ako. Ano nga ba talaga ako? Saan ba talaga galing ang kwintas na 'to at anong koneksyon nito kay Papa?
"Nero…" Nabalik lamang ang isipan ko sa kasalukuyan nang nahinto sa paglalakad si Nero na nasa unahan ko atsaka lumapit si Ace sa akin.
Dumiretso ang lalaki sa gawi ko at may binulong sa tenga ko. Ha
