Chapter 56
Hindi ako mapakali dahil nasa kapitbahay pa rin ang aking isipan. Hindi ko mawari kung paano niya ako natunton dito sa norte at tagong bayan ng Luna gayong sa Maynila ang lahat ng business transactions ko nang sa ganoon ay hindi niya pa rin ako mahanap.
Ngunit si Noven nga pala siya. Kapag gumalaw na ang mga galamay niya ay siguradong walang palya.
Alas 8 pa lang ng gabi ngunit tulog na ang mga kapitbahay at tanging tunog na lamang ng mga insektong nag-iingay sa paligid ang aking naririnig. Bahagya rin akong natatakot sa tuwing naririnig ko ang huni ng uwak sa paligid.
Nakabukas pa rin ang ilaw sa aking kwarto at dahil hindi ako mapakali ay kinuha ko ang aking cellphone at naglaro na lang ng BrainOut.
Matapos ang ilang sandali ay naiyak ako nang hindi ko makuha kuha ang sag
