Chapter 58
"The Other Side"
(Flashback 1)
Paparating na siya.
Lalapit na.
Lapit pa...
Napatitig ako sa babaeng tila pag-aari niya ang aming resort dahil napapalingon sa kanya ang bawat taong nadaraanan niya.
Maging ang mga dahon ay nagsisigalawan at tila sinasamba ang mala-anghel niyang ganda.
Sa hubog ng kanyang katawan na nakapang-a-akit, sa mahaba niyang buhok na tinatangay pa ng hangin, sa makinis niyang balat na tila hindi dinadapuan ng langgam o lamok at ang kanyang kabuuan ay nakaaagaw ng pansin.
Pinanood ko ang babaeng tila mag-isa lamang na pumunta rito sa Tagaytay habang naglalakad palapit sa isang isolated na pool.
Nakaupo kami sa kubo habang tahimik itong pinagmamasdan. Sa bawat hakbang nito ay lalong lumalakas ang dating niya at hindi ako nagpatinag nang magsalubong
