Napasandal naman si Darren sa sofa at pumikit. Alam kong iritado siya sa nangyari at si Kuya Louie ang tinuturo niyang dahilan. Kumuha ako ng fries at tinapat sa ilong niya. Nagmulat siya ng mga mata at napatingin sa pagkaing nasa harapan ng mukha niya. Tinignan niya ako, nagtataka. Muli siyang pumikit at hindi na pinansin ang fries sa kamay ko. Ouch! Ako na nga tong nagpapakasweet dahil birthday niya; siya pa itong nag-iinarte. Dinampi ko naman sa kanyang labi ang fries at dahan-dahang tinatapik. Hindi siya matinag sa di pagpansin sa akin. Naiinis na talaga ako. Binalik ko ang fries sa bowl. Unti-unti kong inilapit ang mukha ko sa mukha niya. Ninakawan ko siya ng halik. Ganun pa rin. Hindi pa rin niya minumulat ang kanyang mga mata at hindi pa rin ako pinansin. Inulit ko sa pangalawang pa
