"Bes, daan tayo ng mall," wika ni Cassie sa akin habang naka-break kami sa trabaho.
"Ano naman ang gagawin natin doon?" tanong ko rito.
"Bibili tayo ng maisusuot natin sa birthday party ni Mr. Santiago," sagot nito.
"Hindi naman natin kailangan pang bumili. Mayroon naman tayo maisusuot ah. Lalo ka na ang dami mong damit," wika ko.
Birthday kasi ng ama ni Niel. Ang may-ari ng hospital at dahil kaibigan namin si Niel, kaya ayon imbitado kami.
Ayaw ko sanang sumama sa party na iyon dahil 'di ko naman kasi kinasanayan ang pumunta ng mga party.
Pero dahil sa pamimilit ni Niel at pag-aari pa nila ang pinapasukan namin kaya napilitan kaming pumayag.
"Ano ka ba bes, mayayaman ang makakasalamuha natin, malaking party ang pupuntahan natin kaya dapat maganda ang maisusuot natin no!" wika pa
