Umiiyak na sinalubong ako ng mga magulang ko, pati ang dalawa kong kapatid. Nakauwi na ako rito sa probinsya. Hindi ko na rin sinabi kay Niel na uuwi ako rito.
Sinabi ko sa mga magulang at kapatid ko ang lahat ng nangyari sa amin ni Jake. Sinabihan pa nga ako na dapat malaman ni Jake ang pagbubuntis ko. Ngunit mahigpit ko silang sinabihan na huwag muna silang makialam.
Dahil sa ayaw nilang maestress ako at may mangyaring masama sa pagbubuntis ko, pumayag na lamang sila sa kagustuhan ko.
Dalawang linggo ang lumipas ng walang Niel or Cassie or kahit si Jake na nagparamdam sa akin, kahit sa text or tawag.
Nangunot-noo pa ako ng pagbukas ko ng kuwarto may isang babaeng nakatalikod na kausap ng magulang ko.
Dahan-dahan akong lumapit dito. Nagulat pa ako ng makita ko ang pagmumukha ng Zindy
